Konsert: Monika Stauss Joensen og Andrea Stauss Hofmann

Konsert við Moniku Stauss Joensen, violin

og Andrea Stauss Hofmann, orgul, klaver

Týsdagin 23. juni klokkan 20.00 verður konsert á Bátasavninum í Leirvík við violinleikaranum Moniku Stauss Joensen og klaverleikaranum Andrea Stauss Hofmann. Tónleikararnir eru systrar og upprunaliga úr Sveis. Monika hevur í nógv ár búð í Føroyum og virka sum violinlærari innan musikkskúlan. Systirin Andrea býr í Sveis, har hon arbeiðir sum urguleikari í ymiskum kirkjum.

Tey seinastu árini hava tær baðar regluliga spælt konsertir kring Føroyar, samstundis sum tær eru sera virknar í Sveis, tá ið Monika vitjar har.

Monika og Andrea byrjaðu at spæla violin og klaver sum sjey og átta ára gamlar. Longu fýra ár seinni bergtóku tær á “Yecklin competition” í kamarmusikki í Zúrich.

Tær spæla tvær almennar konsertir saman í Føroyum í ár. Tann fyrra verður týsdagin 23.juni kl 20 á Báta- og Listasavninum í Leirvík.

Tann seinna verður í Riberhúsi í Fuglafirði, hósdagin 25. juni kl 20.

Konsertin á Bátasavninum í Leirvík er partur af Summartónum, sum Felagið Føroysk Tónarskald aftur í ár skipar fyri við konsertum kring alt landið.

Atgongamerkir á kr 50 fást við dyrnar, børn ókeypis atgongd og aftaná konsertina er ein ókeypis kaffimunnur at fáa.

Øll eru hjartaliga vælkomin.